പുല്ലും അരിയും ഭക്ഷണമായി ദിവസങ്ങള്‍ പിന്നിട്ടപ്പോള്‍ സിദ്ദിക്കിന്റെ ഹാച്ചറിയില്‍ വന്‍താരമായി ഒട്ടകപ്പക്ഷി. വിവരം കേട്ടറിഞ്ഞ് ഹാച്ചറിയില്‍ ഒട്ടേറെ കാഴ്ചക്കാരും എത്തി. നാല്മാസം പിന്നിട്ട ഒട്ടകപ്പക്ഷിക്ക് ഇപ്പോള്‍ മൂന്നരയടിയില്‍ കൂടുതല്‍ ഉയരവും 18 കിലോ തൂക്കവുമുണ്ട്.
തവിട്ടുനിറമുള്ള തൂവലുകള്‍ നിറഞ്ഞ ഇത് പെണ്‍പക്ഷിയാണെന്നും ചിറകിന്റെ അറ്റത്തും വാലിലുമുള്ള തൂവലുകള്‍ വെളുപ്പാണെങ്കില്‍ ആണ്‍പക്ഷി ആയിരിക്കുമെന്നും സിദ്ദിക്ക് പറയുന്നു. ഒട്ടകപ്പക്ഷി വളരാന്‍ തുടങ്ങിയതോടെ ഭക്ഷണത്തിന് മാറ്റമുണ്ടായി. വേവിച്ച കക്ക, കടനാക്ക് , കൂന്തല്‍, കടപ്പുറത്ത് വളരുന്ന അടമ്പ് എന്നിവയാണ് ഇപ്പോള്‍ ഇഷ്ടഭക്ഷണം.വീട്ടുവളപ്പില്‍ കമ്പിവേലികെട്ടി വിശാലമായ സ്ഥലവും തയ്യാറാക്കിയ കാസര്‍കോട്ട് ഇനി വീട്ടുകാരുടെ ഇഷ്ടസഖിയായി വളരും ഈ മിടുക്കി.
കടപ്പാട് - കാര്‍ഷികം മാഗസിന്‍
